Randowf Li Tchant des Wallons

Posté par randowf le 12 décembre 2009

coqwallon1.jpg

Li Tchant des Wallons. 

I. Nos estans firs di nosse pitite patreye, , 

Ca lådje et lon, on djåze di ses efants. Å prumî rang, on l’ mete po l’ industreye   

Et dvins les årts, ele riglatixh ostant. Nosse tere est ptite, mins nos avans l’ ritchesse   

Des omes sincieus k’ anôblixhèt leu nom. Et nos avans des libertés timpesse:   

Vola pocwè k’ on-z est firs d’esse Walons !   

II. Di nosse passé cwand c’est k’ on lét l’ istwere, 

On s’ recresteye vormint a tchaeke foyou. Et nosse cour crexhe cwand c’est k’ on tuze al glwere 

Di nos vîs peres ki n’ avît måy pawou. C’est gråce a zels ki ns djouwixhans del påye. 

I ont språtchî l’ innmi dzos leu talon. On ls a rclamé les pus vayants k’ i gn åye: 

Vola pocwè k’ on-z est fir d’esse Walon !   

III. Pitit payis, vos k’a tant d’grandeur d’ åme, 

Nos vos inmans bén, sins k’ nos l’ breyanxhe tot hôt. Cwand on vs kidjåze, ås ouys montèt nos låmes 

Et nos sintans nosse cour bate a gros côps ! N’ åyîz nole sogne et vikez e liyesse, 

Di vos efants, les bresses et l’ cour sont bons. Et nos avans les tchveas foirt près del tiesse: 

Vola pocwè k’ on-z est fir d’esse Walon !   

IV. On s’ voet voltî inte frés del Walonreye 

Et on-z est presse onk l’ôte a s’ diner l’ mwin. On fwait plaijhi bén sovint sins k’ on l’ deye. 

Nouk ni s’ håynêye cwand c’est k’ i vout fé l’ bén. Li tchårité ki mousse el måjhinete 

N’ î va k’ al nute avou meye precôcions. Li pô k’ on dene on nel dene k’ e catchete: 

Vola pocwè k’ on-z est fir d’esse Walon !    

Laisser un commentaire

 

le petit baigneur du salagou |
Les ch tis carpistes II |
vivre et naviguer sur une p... |
Unblog.fr | Créer un blog | Annuaire | Signaler un abus | isabelle91
| country dance
| Sadisme de Yaourt